人在韓國---搵屋篇!

當你到左韓國最緊要既野係搵屋, 今次會分享下我地搵屋既過程!

搵屋篇

一開始我地就book 左guesthouse 住左12日左右,我就係用呢12日既時間去搵屋, 大家可以係以下既地方搵到租屋既資料:::

1)  韓工社 (Facebook 群組)
2)  韓國租屋版 (Facebook 群組)
3)  奮鬥在韓國 (論壇)
4)  背包客棧 (論壇)


屋都有分唔同既種類, 有 1)下宿  2)考試院  3)合宿  4)one room  5)officetel

下宿同考試院基本上都會供餐 (泡菜,白飯等等), 租金包晒水,電,煤,上網費; 不過房間較細同埋有機會要同比較多人共用廁所浴室 (**每間情況唔同, 有D房就有獨立浴室但係廁所要同人共用!)

合宿- 姐係要同唔識既人同住一間屋,共同分擔租金,保證金,水,電,煤,上網費; 都係要同人共用廁所 (** 基本上大約2-4個人住一間屋)

One room 同 officetel 既租金同保證金就比較高, 多數唔包水,電,煤,上網費,管理費(<--如有的話),(** 有D就會包水費) 保證金約500萬won - 1000萬won, 可以試下同房東傾下, 因為如果你可以俾到高D既保證金, 月租就可以俾少D, 通常係要簽一年約,如果提早走而又搵唔到人接手租落去係有機會會拎唔返保證金, 所以要留意~)

::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::

- 每個種類既屋都有好處壞處, 可按自己既要求選擇
- 記得一定一定一定要去現場睇左屋先決定, 因為相同現場會有出入 (真係好重要所以要講3次      一定 !)
- 要問清楚細節 (e.g. 租約完時可唔可以拎得返所有保證金 etc)
- 合約好重要, 一定要簽合約 (白紙黑字,有證有據)
- 入住既時候要檢查有冇爤左花左既地方, 有既拎相機影低佢, 可以的話俾埋房東,不動產睇,如     果唔係怕入左自己數
- 最好可以搵埋韓國朋友一齊去睇屋

祝黎緊會黎韓國working holiday / 讀書既朋友搵屋方面都可以暢通無阻! :)